Կարևորն այն է, որ Լեոն վայելում է ձեր սերը, ջերմությունը...Հռիփսիմե Հակոբյանն անդրադարձել է «Մանկական Եվրատեսիլ 2024»-ին

Երգչուհի Հռիփսիմե Հակոբյանն Ինստագրամի իր էջի «սթորի» բաժնում անդրադարձել է «Մանկական Եվրատեսիլ 2024»–ում իր որդու՝ Լեոյի մասնակցությանը։

«Եկել եմ ձեզ իմ շնորհակալությունը հայտնեմ քվեարկելու համար։ Մրցույթներում ամեն բան կարող է պատահել, բոլորս էլ հասկանում ենք: Կարևորն այն է, որ Լեոն վայելում է ձեր սերը, ջերմությունը, յուրաքանչյուրիդ լավ խոսքը։ Հավատացեք՝ Լեոն կարդում է, ոգևորվում»,- ասել է երգչուհին։

Հիշեցնենք, որ «Մանկական Եվրատեսիլ 2024»-ում հաղթեց Վրաստանը՝ 239 միավորով։ Այս տարի Վրաստանը ներկայացնում էր Անդրիա Պուտկարաձեն՝ «To My Mom» երգով: 

Մեր ներկայացուցիչը՝ Լեոն՝ Cosmic Friend երգով հանդես եկավ 4-րդ համարի ներքո։ Հայաստանը զբաղեցրեց 8-րդ  հորիզոնականը: