ԵՄ-ն Հայաստանի հետ հարգում է Սպիտակի երկրաշարժի զոհերի հիշատակը. ԵՄ դեսպան

Հայաստանում Եվրամիության պատվիրակության ղեկավար Վասիլիս Մարագոսն X-ի իր միկրոբլոգում գրառում է կատարել Սպիտակի երկրաշարժի տարելիցի կապակցությամբ:

«Այս օրը մենք հիշում ենք 1988 թվականի երկրաշարժը, որը մեծապես ազդեց Հայաստանի վրա, խլեց մարդկային կյանքեր և փոխեց համայնքների ճակատագրերը: Եվրամիությունը Հայաստանի հետ հարգում է զոհերի հիշատակը՝ հարգանքը հավաստելով հայ ժողովրդի ուժի և տոկունության հանդեպ: Միասին մենք կերտում ենք ավելի կայուն և ուժեղ Հայաստան»,- նշել է Մարագոսը: