Այսօր երեկոյան Հայաստանի առանձին շրջաններում թույլ ձյուն է սպասվում

Այսօր երեկոյան Հայաստանի առանձին շրջաններում թույլ ձյուն է սպասվում։ Այս մասին հայտնում է Հիդրոօդերևութաբանության և մոնիտորինգի կենտրոնը։

Դեկտեմբերի 23-ին, 24-ի ցերեկը, 25-ին և 26-ին տեղումներ չեն գրանցվի։

«Օդի ջերմաստիճանն էապես չի փոխվի»,– ասված է հաղորդագրությունում։

Այսօր երեկոյան թույլ ձյուն է սպասվում նաև Երևանում։ Ցերեկային ժամերին մայրաքաղաքում օդի ջերմաստիճանը կտատանվի +4–ից +6–ի, իսկ գիշերը` -2-ից -4-ի սահմաններում։