Ուզբեկստանում առյուծները հոշոտել են կենդանաբանական այգու աշխատակցին
ՖՈՏՈ
Ուզբեկստանում առյուծները հոշոտել են կենդանաբանական այգու աշխատակցին, որը փորձել է արգելավանդակի առաջնային հատված դուրս եկած գիշատիչներին հետ ուղարկել: Նա միացված սմարթֆոնով մտել է արգելավանդակը, որպեսզի տեսանկարահանի գործընթացը, գրում է Bild-ը:
Տեսանյութում պատկերված առյուծները հանգիստ են թվում, բայց հետո հարձակվում են տղամարդու վրա և լսվում են ճիչեր։
Չորս ժամ անց առավոտյան հերթափոխի աշխատակիցներն արգելավանդակում հայտնաբերել են իրենց գործընկերոջ հոշոտված մարմինը:
