Իրանում ընթանում են «Մեծ մարգարե 19» զորավարժությունները

Իրանի արևմտյան մասում ընթանում են Իսլամական հեղափոխության պահապանների կորպուսի ցամաքային զորքերի «Մեծ մարգարե 19» զորավարժությունները, որոնց նպատակն Իրանի պաշտպանունակության բարձրացումն ու ռազմական հզորության ամրապնդումն է։

Դրանք մեկնարկել են հունվարի 4-ին: Դրանց մասնակցում են Իսլամական հեղափոխության պահապանների կորպուսի ցամաքային զորքերը:

Զորավարժությունները ներառում են արագ արձագանքման գործողությունների սցենարներ։ Այս սցենարների հիմնական տարրը զորավարժությունների տարածք զորքերի և տեխնիկայի արագ տեղաշարժն է: