UFC. Արման Ծառուկյանը մնացել է դասակարգման առաջին տեղում

Խառը մենամարտերի (MMA) UFC առաջնության կայքը հրապարակել է մարզիկների դասակարգման աղյուսակները Լոս Անջելեսում անցկացված UFC 311 մրցաշարից հետո։

Թեթեւ քաշային կարգի (մինչեւ 70 կգ) դասակարգման առաջին տեղում է մնացել Հայաստանի ներկայացուցիչ Արման Ծառուկյանը, որը մեջքի վնասվածքի պատճառով չէր կարողացել մասնակցել ռուսաստանցի Իսլամ Մախաչեւի դեմ տիտղոսային մենամարտին։

Արման Ծառուկյանին փոխարինել էր դասակարգման 10-րդ համար, բրազիլացի Ռենատո Մոյկանոն, որը պարտվել էր Մախաչեւին առաջին ռաունդում։