Նոր Զելանդիայում մսից պաղպաղակ են պատրաստել

Նոր Զելանդիայում պարենային արդյունաբերության տեխնոլոգ Մուսթաֆա Ֆարուքը որոշել է միավորել իր սիրելի երկու մթերքները եւ մսից պաղպաղակ է ստեղծել: Նա փորձել է պաղպաղակն արգելված քաղցրավենիքից սպիտակուցներով եւ միկրոտարրերով հարուստ ուտեստի վերածել:

Ֆարուքը տեխնոլոգիան գաղտնի է պահում: Հայտնի է միայն, որ նա բարձրորակ անյուղ տավարի միս է օգտագործում՝ այն վերածելով նուրբ շոկոլադե մածուկի:

Ըստ Kedem-ի, շոկոլադե ջնարակով պատված մսային պաղպաղակի մեկ խորանարդիկը 2.5 դոլար արժե: Հիմա Ֆարուքը փորձեր է անցկացնում տավարի եւ ոչխարի մսով եւ ծրագրում է ամբողջությամբ մսային պաղպաղակ ստեղծել՝ առանց կաթնամթերքի: