Մադրիդի «Ռեալ»-ը ստացել է Բելինգհեմի որակազրկման բողոքարկան պատասխանը

Մադրիդի «Ռեալի» անգլիացի կիսապաշտպան Ջուդ Բելինգհեմի Լա լիգայում երկխաղյա որակազրկումը չի չեղարկվի։ Ինչպես հայտնում են իսպանական ԶԼՄ-ները, բողոքարկման հանձնաժողովը մերժել է մադրիդյան ակումբի հայտը, ուստի Բելինգհեմը բաց կթողնի երկու խաղ։

Ջուդ Բելինգհեմը չի մասնակցի «Ժիրոնայի» (փետրվարի 23) ​​և «Բետիսի» (մարտի 2) դեմ խաղերին։

Հիշենք, որ վերջերս «Օսասունայի» դեմ խաղում (1:1) Բելինգհեմը կարմիր քարտ ստացավ մրցավարի հասցեին հնչեցրած վիրավորական խոսքերի համար։

Մադրիդի «Ռեալը» և խաղացողը պնդում էին, որ մրցավարը պարզապես սխալ է մեկնաբանել արտահայտության ենթատեքստը: