Դաղստանում բժիշկները փրկել են 1-ամյա երեխային, որը կուլ էր տվել շուրջ 400 մագնիսական գնդիկ

Դաղստանի մանկական հանրապետական ​​կլինիկական հիվանդանոցի բժիշկները փրկել են մեկ տարեկան երեխայի կյանքը. նա կուլ էր տվել կոնստրուկտոր խաղալիքի ավելի քան 390 մագնիսական մաս,  հայտնել է բժշկական հաստատությունը Telegram-ի իր ալիքում։

Երեխան կլինիկա է ընդունվել մարտի 6-ին։

Հերթապահ վիրաբույժների խումբը շտապ վիրահատել է փոքրիկին: Այս պահին նա գտնվում է վերակենդանացման և ընդհանուր թերապիայի բաժանմունքում: Նրա կյանքին վտանգ չի սպառնում: