Տարածաշրջանը շարունակում է ցնցվել. Ադրբեջանում 2 երկրաշարժ է գրանցվել

Ադրբեջանում վաղ առավոտյան երկու երկրաշարժ է գրանցվել։ 3,7 և 4 մագնիտուդ ուժգնությամբ ստորգետնյա ցնցումներ են գրանցվել Իսմայիլի և Լերիկի շրջաններում:

Ստորգետնյա ցնցումների օջախը գտնվել է 15 կմ խորության վրա:

Հիշեցնենք, որ մարտի 8-ին, տեղական ժամանակով ժամը 09:26-ին (Գրինվիչի ժամանակով` ժամը 05։26-ին) ՀՀ ՆԳՆ Սեյսմիկ պաշտպանության տարածքային  ծառայության սեյսմոլոգիական ցանցի կողմից գրանցվել է հյուսիսային լայնության 40.88⁰ և արևելյան երկայնության 44.29⁰ աշխարհագրական կոորդինատներով՝ Հայաստան՝ Սպիտակ քաղաքից 6 կմ հյուսիս-արևելք, օջախի 10 կմ խորությամբ, 4․6 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:

Երկրաշարժը զգացվել է Լոռու, Շիրակի և Տավուշի մարզերում՝ 4-6 բալ ուժգնությամբ, Կոտայքի, Գեղարքունիքի և Արագածոտնի մարզերում՝ 2-4 բալ ուժգնությամբ։