Շունը հոշոտել է վեցամյա երեխայի․ ՌԴ

Ռուսաստանում ողբերգական միջադեպ է տեղի ունեցել Կեմերովոյի մարզի գյուղերից մեկում։ Շունը հոշոտել է վեցամյա աղջնակի։ Երեխան մահացել է։ Ըստ ռուսական մամուլում տեղ գտած հրապարակումների, երեխան հյուր էր գնացել իր համագյուղացի ընկերուհուն։ Հարեւան հողամասում նրա վրա հարձակվել էր պահակ շունը, որը եղել է «ստաֆֆ» ցեղատեսակի։

Չնայած, որ շունը կապված է եղել, բայց կարողացել է հարձակվել երեխայի վրա եւ կծել վիզը։ Մինչեւ շտապ բուժ օգնության ծառայության ժամանումը՝ երեխան ստացած վնասվածքներից մահացել է։ Դեպքի առնչությամբ հարուցվել է քրեական գործ։ Իրականացվում է քննություն։