Ղազախստանում պետական պաշտոնյաներին էքսկուրսիաների են տանում բանտեր՝ նրանց կոռուպցիայից հետ պահելու համար
ԻՐԱՎՈՒՆՔ
Ղազախստանի պաշտոնյաներին պարբերաբար էքսկուրսիաների են տանում բանտեր՝ նրանց շրջանում կոռուպցիան կանխելու նպատակով, ճեպազրույցում ասել է հանրապետական հակակոռուպցիոն գործակալության (Անտիկոր) ներկայացուցիչ Դանիյար Բիգաիդարովը։
«Կոռուպցիոն հանցագործությունները կանխելու, ինչպես նաև հակակոռուպցիոն մշակույթի և բարոյական սկզբունքների ձևավորման նպատակով գործակալության տարածքային ստորաբաժանումներն ուղղիչ հիմնարկներում և նախնական կալանքի կենտրոններում պարբերաբար էքսկուրսիաներ են կազմակերպում քաղծառայողների և պետական հատվածի աշխատակիցների համար», - նշել է Բիգաիդարովը, որի խոսքը մեջբերում է «Սպուտնիկ» գործակալությունը:
Պաշտոնյաներին ցուցադրվում են քննչական սենյակները, հանցագործների համար նախատեսված խցերը, բանտարկյալների զբոսանքի վայրեր։ Մինչ օրս էքսկուրսիաներին մասնակցել է մոտ 2,000 պետական աշխատակից։
