Եգիպտոսում քրիստոնյաներով ավտոբուսի վրա հարձակման հետևանքով մահացել է 23 մարդ
ՄԻՋԱԶԳԱՅԻՆ
Եգիպտոսի հարավում քրիստոնյաներով ավտոբուսի վրա հարձակման հետևանքով մահացել է 23 մարդ, տուժել 25-ը: Ռիա նովոստիի հաղորդմամբ, այս մասին եգիպտական կայքին ասել է Եգիպտոսի առողջապահության նախարարության պաշտոնական ներկայացուցիչը:
Միաժամանակ, տեղի այլ ԶԼՄ-ներ հաղորդում են, որ զոհերի թիվը կարող է հասնել 30-ի:
Գրոհայինները երկու մեքենայով են եղել ու կրակ են բացել ավտոբուսի ուղղությամբ:
Ավելի վաղ հաղորդվել էր, որ անհայտ մարդիկ Եգիպտոսի հարավում Էլ-Մանիյա շրջանում կրակ են բացել ղպտի քրիստոնյաներով ավտոբուսի վրա: Հարձակումը տեղի է ունեցել Սուրբ Սամուիլի վանքի մոտակայքում: Քրիստոնյաները Բենի-Սուեյիֆից ուղևորվում էին վանք:
