Ռազմական թղթակցի մաhը որակավորվել է որպես աhաբեկչություն

Քրեական գործ է հարուցվել Բելգորոդի մարզում ռուսական Առաջին ալիքի ռազմական թղթակից Աննա Պրոկոֆեւայի մահվան փաստով։ Այս մասին «Լենտա»-ին հայտնել է ՌԴ Քննչական կոմիտեի պաշտոնական ներկայացուցիչ Սվետլանա Պետրենկոն։

Հետաքննությունն անցկացվում է ՌԴ քրեական օրենսգրքի 205-րդ («Ահաբեկչական գործողություն») և 144-րդ («Լրագրողի մասնագիտական ​​օրինական գործունեությանը խոչընդոտելը») հոդվածներով։ Քննիչները պարզում են ուկրաինացի զինվորականների շրջանում հանցագործության մեջ ներգրավված անձանց ինքնությունը։

Բլոգեր Վլադիմիր Ռոմանովը, ով լուսաբանում է ռուս-ուկրաինական հակամարտությունը, առաջինն է հայտնել Պրոկոֆեւայի մահվան մասին Դեմիդովկայի շրջանում։ Ավելի ուշ Առաջին ալիքը հաստատել է թղթակցի մահն ու պարզաբանել, որ նկարահանող խումբը ոտք է դրել ականի վրա։ Վիրավորվել է օպերատոր Դմիտրի Վոլկովը, ով ուղեկցել է Պրոկոֆեւային։