6-ամյա երեխա է լողավազանում ջրահեղձ եղել

Մզիանեթի ճամբարի տարածքում 6-ամյա երեխա է խեղդվել։ Տեղացիների խոսքով՝ անչափահասն ընկել է ճամբարի տարածքում գտնվող շատրվանի մոտ գտնվող փոքրիկ լողավազանը։

Տարածքում գտնվող տղամարդը նկատել է լողավազանն ընկած երեխային։ Դեպքի վայրում գտնվող մարդիկ փորձել են օգնել տղային, կանչվել են նաև շտապ բուժօգնություն, սակայն անչափահասին փրկել չի հաջողվել։

Դեպքը տեղի է ունեցել Թելավիի մունիցիպալիտետի Բուշեթի գյուղում, որտեղ ուսուցիչ Շալվա Ամոնաշվիլին հանգստի ճամբար է ստեղծել։ ՌԴ քաղաքացի 6-ամյա տղան մոր հետ ժամանել է ճամբար, որտեղ տարբեր երկրներից հրավիրված ուսուցիչների համաժողով էր ընթանում։ mtavari.tv