Ամերիկյան Carl Vinson ավիակիրը կլքի հարավկորեական ափերը և կվերադառնա Կալիֆորնիա

ԱՄՆ-ի ռազմածովային ուժերին պատկանող Carl Vinson ավիակիր նավը պատրաստվում է այս շաբաթ հեռանալ Հարավային Կորեայի արևելյան ափից և վերադառնալ Սան Դիեգոյի ափեր։ Այդ մասին հայտնել է Bloomberg գործակալությունը՝ հղում անելով հարավկորեական Joong Ang IIbo թերթին։

Թերթը նշում է, որ ավիակիրը հետադարձ ճանապարհին խարիսխ կգցի Հավայան կղզիների մոտ, որից հետո էլ կշարունակի ճանապարհը։

Ավելի վաղ ԶԼՄ-ները լուրեր էին հրապարակել այն մասին, որ ամերիկյան իշխանությունները մտադիր են Խաղաղ օվկիանոսի արևմտյան հատված ուղարկել նաև 3-րդ՝ Nimitz ավիակիրը, որտեղ գտնվում են Ronald Reagan-ը և Carl Vinson-ը։