Հյուսիսային Կորեան նոր բալիստիկ հրթիռ է արձակել
ՄԻՋԱԶԳԱՅԻՆ
Հյուսիսային Կորեան մայիսի 29–ին հերթական բալիստիկ հրթիռն է արձակել՝ հաղորդում է «ՌԻԱ նովոստին»` հավելելով, որ վերջին 2 շաբաթվա ընթացքում բալիստիկ հրթիռի արձակման 3–րդ փորձն էր: Ըստ ամերիկյան և ճապոնական աղբյուրների` հրթիռի թռիչքը տևել է 6 րոպե:
Անցնելով 450 կմ և օդում հասնելով 100 կմ բարձրության, այն ընկել է Ճապոնական ծովը: Ենթադրվում է, որ արձակված հրթիռը եղել է «Սկադ» տեսակի և ունեցել է գործողության միջին շառավիղ: Ճապոնիայի և Հարավային Կորեայի իշխանությունները դատապարտել են հյուսիսկորեական կողմի հերթական սադրանքը:
