Մոսկվայում ուժգին մրրիկը 1500-ից ավելի ավտոմեքենա է ջարդել

Մոսկվայում երեկ մոլեգնած ուժեղ մրրիկը, որը մասնագետների գնահատմամբ եղել է վերջին 100 տարիների ամենաուժգինը, ավելի քան 1500 ավտոմեքենա է ջարդել։ Այդ մասին, ինչպես հաղորդում է Interfax-ը, հայտնել է ՌԴ ԱԻ ծառայությունը։

Ըստ զեկույցի՝ տապալվել են 3500-ից ավելի ծառեր, վնասվել են 140 բազմահարկ բնակելի ու վարչական շենքերի տանիքներ։ Փոթորկի հետևանքների վերացման աշխատանքներին ներգրավված է քաղաքային ծառայությունների 35.000 աշխատակից, ինչպես նաև 4500 միավոր տեխնիկա։

Մրրիկի հետևանքով զոհերի թիվը հասել է 14-ի։