Երեք ահաբեկիչ այս պահին դեռ Իրանի Մեջլիսի շենքում են
ՄԻՋԱԶԳԱՅԻՆԻրանում այսօր տեղի ունեցած ահաբեկչական գործողությունների հետևանքով 31 քաղաքացի է վիրավորվել, երկուսը՝ զոհվել:
Իրանի տեղեկատվության (հետախուզություն) նախարարությունն այսօր ԻԻՀ Մեջլիսում և Իմամ Խոմեյնիի դամբարանի շրջակայքում տեղի ունեցած միջադեպն ահաբեկչություն է որակել:
Միևնույն ժամանակ քաղաքացիներին կոչ է արել չօգտվել մետրոյից:
Իրանի ՆԳ նախարարության նախաձեռնությամբ էլ այս պահին Թեհրանում ստեղծված իրավիճակով պայմանավորված հատուկ նիստ է հրավիրվել:
Իրանի իսլամական հեղափոխության պահապանների կորպուսի հրամանատար (ԻՀՊԿ), բրիգադի գեներալ Մոհամմադ Ալի Ջաֆարին, այցելելով Մեջլիսի շրջակայք, կոչ է արել չանհանգստանալ, ամեն ինչ կարգավորվում է: