Հարձակում ԱՄՆ դեսպանատան վրա․ կա զոհ

Մահապարտ-ահաբեկիչը փորձել է պայթուցիկ սարք անցկացնել Սաուդյան Արաբիայում ԱՄՆ դեսպանատուն, հայտնում է BBC-ն։

Ահաբեկիչը չի հասցրել իրականացնել մտադրությունը, նա ոչնչացվել է դեսպանատան անվտանգության աշխատակիցների եւ ոստիկանության կողմից։ Հարձակումը տեղի է ունեցել հուլիսի 4-ին՝ ԱՄՆ-ի Անկախության օրը։

Միջադեպի արդյունքում մի քանի ոստիկաններ են վնասվածքներ ստացել, նրանք տեղափոխվել են հիվանդանոց։