Աֆղանստանի ամենախոշոր բանտում կանայք անկարգություններ են սկսել

Կին դատապարտյալներն անկարգություններ են իրականացրել Աֆղանստանի խոշորագույն Փուլի Չահրի բանտում` հղումով Kdaama Press-ին, հայտում է РИА-ն:

Հաղորդվում է, որ կին դատապարտյալները բողոքի ակցիա են իրականացնում բանտում` պահանջելով բարելավել քրեակատարողական հիմնարկի պայմանները: Նշվում է, որ կանայք հրդեհել են բանտի որոշ մասնաշենքեր:

Բողոքի ակցիայի ընթացքում տուժածների, վիրավորների կամ զոհերի մասին տեղեկություններ դեռեւս չկան: Նշվում է միայն, որ հնարավոր է կանայք պատանդ են վերցրել:

Փուլի Չահրի քրեակատարողական հիմնարկը հիմնվել է 1980-ական թվականներին: Բանտի առանձին մասնաճյուղերում պահվում են կին եւ տղամարդ դատապարտյալներ: Մի շարք իրավապաշտպան կազմակերպություններ նախկինում բազմիցս ահազանգել են բանտի վատ կենցաղային պայմանների մասին: