Հնդիկ տղամարդը տան տանիքում պահում է ավելի քան 4 հազար վայրի թութակ (ֆոտո)
ՖՈՏՈ
Սեկար անունով 62-ամյա տղամարդն իր տան տանիքին կառուցել է աշխարհի ամենամեծ «ճաշարանը»՝ վայրի թռչունների համար: Տեղացիներն այս տղամարդուն անվանում են «Birdman»: Ավելի լավ անվանում չէր էլ կարող լինել, քանի որ օրական կտրվածքով նրա մոտ են ժամանում ավելի քան 4 հազար վայրի թութակներ:
Սեկարի պատմությունը սկսվել է վաղուց: Մի անգամ, մոտ 10 տարի առաջ, նա սկսեց կերակրել մի զույգ կանաչ թութակների: Որոշ ժամանակ անց նրան սկսեցին հյուրընկալվել ավելի քան մեկ տասնյակ թռչուններ:
Ամեն օր առավոտյան Հնդկաստանի Չենայ քաղաքում միևնույն հասցեում տեղի է ունենում կանաչ թութակների նախաճաշը:
Նախաճաշին բրնձով և այլ սննդով թութակներին կերակրելու համար տղամարդը ծախսում է մոտ 5,200 ռուփի՝ իր աշխատավարձի մոտ 40%-ը: Բացի այդ, «Birdman»-ն այնքան է երես տվել իր թռչուններին, որ նրանք գալիս են ոչ միայն նախաճաշելու, այլ նաև ճաշելու:
