Ինչպե՞ս ճիշտ սնվել մարզումներից առաջ և հետո

Եթե ցանկանում եք, որ մարզումներն արդյունավետ լինեն, պետք է պահպանել ճիշտ սնվելու կարգը և ժամանակը։ Ֆիզիկական ծանրաբեռնվածությունից չհյուծվելու համար պետք է հետևել այս կանոններին.

- Սնվել պետք է մարզումներից մեկուկես ժամ առաջ, ընդ որում դա պարտադիր է, որը մարզումները կդարձնի ավելի արդյունավետ։ Պետք է ընդունել ածխաջրեր՝ բանջարեղեն, մրգեր, հատիկավորներ, օրինակ, խյուս, ֆրեշ, բանջարեղենով աղցան։ Դդումը, գազարը և ճակնդեղը օրգանիզմին կտան անհրաժեշտ էներգիա։

- Մարզումներից հետո մենք պետք է սնենք մկանները։ Դրա համար պետք են ամինաթթուներ, որոնք պարունակվում են սպիտակուցներում։ Ընդ որում պետք է ընտրել թեթև սպիտակուց, որը առկա է կաթնամթերքներում։ Կարելի է  ուտել կաթնաշոռ, պանիր։ Օգտակար են նաև ձուն, ձկնեղենը, ծովամթերքները։

Խորհուրդ. Պետք չէ ընթրիքի ժամանակ օգտագործել կարմիր միս։ Այն մարսվում է  8 ժամ հետո և ծանրաբեռնում է օրգանիզմը։