Կիեւում գողացել են Սաակաշվիլու զրահապատ ամենագնացը

Կիեւում գողացել են Օդեսայի նահանգապետ Միխայիլ Սաակաշվիլու զրահապատ Toyota Land Cruiser-ը, հայտնում է ria.ru-ն ՝ վկայակոչելով Գլխավոր դատախազությունում իր աղբյուրը:

Պարբերականի տվյալներով, մոտավորապես վեց մլն գրիվեն ( 15.5 մլն ռուբլի) արժողության ամենագնացը գողացել են Սերգո Գլոնտիի հանձնարարությամբ, որին ավելի վաղ ձերբակալել էին Ուկրաինայում: Ավտոմեքենան յուրատեսակ «գրավ» է ու կվերադառնա սեփակատիրոջը, եթե իշխանությունները մերժեն Հունգարիային քրեական հեղինակությանը նրան արտահանձնելու հարցում ու կալանքից ազատ արձակեն Գլոնտիին:

Բուդապեշտը կասկածում է Գլոնտիին՝ ապօրինի ձեւով Հունգարիայի քաղաքացիություն ստանալու նպատակով խաբեության մեջ, պարզաբանում է պարբերականը:

Նշում են, որ Սաակաշվիլին հրապարակային միջոցառումներին սովորաբար ժամանում է ոչ թանկարժեք մեքենայով:

Վրաստանի նախկին նախագահ Միխայիլ Սաակաշվիլին ղեկավարում է Օդեսայի շրջանը անցած տարվա մայիսից: Սկսելով իր պաշտոնավարությունը՝ քաղաքական գործիչը օդեսացիներին վստահեցրել էր, որ գիտի, թե ինչպես հաղթի կոռուպցիան ու փոխի իրավապահ մարմինների գործունեության ոճը: