Քերրի. ԱՄՆ-ն սատարում է ղարաբաղյան հակամարտության կարգավորման շուրջ բանակցությունները

ԱՄՆ պետքարտուղար Ջոն Քերրին Վարշավայում ՆԱՏՕ-ի գագաթաժողովի շրջանակում Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հետ հանդիպումների ընթացքում քննարկել է ղարաբաղյան հիմնախնդիրը: Այս մասին Վաշինգտոնում կայացած ճեպազրույցում հայտարարել է ԱՄՆ պետքարտուղարության պաշտոնական ներկայացուցիչ Ջոն Քիրբին:

Նրա խոսքով, պետքարտուղարը կրկին հայտարարել է պարտավորությունները կատարելու անհրաժեշտության մասին, որոնք կողմերը ստանձնել են Վիեննայում եւ Սանկտ Պետերբուրգում հանդիպումների ժամանակ:

Քերրին նաեւ հաստատել է ղարաբաղյան հակամարտության կարգավորման շուրջ բանակցություններին ԱՄՆ-ի աջակցությունը: