Շրի Լանկայում փրկել են բաց ծով քշված փղերին (լուսանկարներ, տեսանյութ)
ՎԻԴԵՈՇրի Լանկայի ռազմածովային ուժերի ներկայացուցիչներն իրականացրել են 12 ժամանոց փրկարարական օպերացիա, որի շրջանակում խեղդվելուց են փրկել բաց ծով քշված 2 փղի:
Ինչպես նշում է The Daily Mail-ը, բաց ծով քշված կենդանիներին նկատել են ափից 1 կմ հեռավորության վրա: Նրանք, ենթադրաբար, փորձել են անցնել Կոկիլայ ծովախորշը, սակայն ալիքները նրանց բաց ծով են քշել:
Հայտնի է, որ փրկարարական օպերացիայի ժամանակ ջրասուզորդները կենդանիներին կապել են ամուր ճոպաններով, ինչից հետո փղերին քաշել-հասցրել են ափ, այնուհետև բաց թողել:
Նշվում է, որ վերջին շրջանում սա 2-րդ նմանատիպ դեպքն է:
