Դուբայի հիվանդանոցը գրանցվել է Գինեսի ռեկորդների գրքում՝ աշխարհի ամենամեծ երիկամների հեռացման համար

Դուբայի հիվանդանոցներից մեկը գրանցվել է Գինեսի ռեկորդների գրքում, քանի որ բուժհաստատությունում հեռացվել են աշխարհում ամենամեծ երիկամները:

Ինչպես նշում է Al Arabiya-ն, երիկամները հեռացվել են 56-ամյա Ահմադ Սաեդի մարմնից: Մեծացած երիկամների ընդհանուր քաշը եղել է մոտ 13 կգ, ինչը 40 անգամ գերազանցում է նորմալ օրգանի քաշը: Սովորաբար, առողջ երիկամը կշռում է 150գր:

Բժիշկների խոսքով՝ վիրահատված տղամարդու մոտ ախտորոշվել է բնածին գենետիկ խախտում, սակայն նրան հաջողվել է ողջ մնալ դիալիզի շնորհիվ:

Հայտնի է, որ սովորական երիկամի նորմալ երկարությունը 12 սմ է, մինչդեռ Սաեդի պարագայում դրանք եղել են 34 սմ՝ 17 սմ տրամագծով: