Հայտնի դառնալու համար մայրը 7-ամյա դստերը 25 տարեկանի պես է ներկայացնում
ՖՈՏՈ
Life.Tert.am/Ջենա Իսթլենդը փորձում է իր 7-ամյա դստերն աստղ դարձնել։ Նա ոչինչ չի խնայում, որպեսզի իր դուստրը ճանաչված դառնա։
Life-ը գրում է, որ Լեյլա Թոմփսոնը դեռ 7 տարեկան է, սակայն արդեն դիմահարդարվում է, ներկում է վարսերն ու արհեստական արևայրուքի քսուքներ օգտագործում։ Բացի այդ, Ջենան բավականին բաց հագուստ է հագցնում դստերը, որպեսզի ընդգծի նրա կանացիությունը։
Ջենան ասում է, որ Լեյլան երազում է հայտնի լինելու մասին և արդեն քայլեր է ձեռնարկում այդ ուղղությամբ։ Օրինակ՝ իր ծննդյան օրը նա չի ցանկացել փոքրիկ երեկույթ կազմակերպել, այլև ընթրել է զբոսանավի վրա։ Լեյլան իր բլոգն ունի, որտեղ ցուցադրում է իր գլամուրային կյանքը։
Համացանցի օգտատերերը քննադատում են Ջենային ու նշում, որ նա ցուցադրում է իր անչափահաս երեխայի սեքսուալությունն ու օգտագործում է նրան։ Ի պատասխան այս ամենին, Ջենան ասում է, որ այդպես մտածող մարդիկ պարզապես հիվանդ են։
