Հրապարակվել է iPhone 8-ի հավաքման գաղտնի տեսագրությունը (տեսանյութ)

Tert.am/Համացանցում տեսահոլովակներ են հրապարակվել չինական Foxconn գործարանից, որտեղ հավաքվում է iPhone 8 սմարթֆոնը: Տեսանյութերը նկարահանվել են գաղտնի, դրանք վատ որակի են, ահա թե ինչու բավական բարդ է հասկանալ՝ ինչ է այնտեղ կատարվում:

Տեսանյութում կարելի է տեսնել iPhone 8-ի կորպուսի հետևի կափարիչը, որն արտաքնապես ամբողջությամբ համընկնում է ավելի վաղ համացանց արտահոսած լուսանկարներում պատկերված սմարթֆոնի կափարիչի հետ:

Lenta.ru-ի հաղորդմամբ՝ iPhone 8-ը կներկայացվի 2017 թվականի աշնանը՝ Apple-ի ամենամյա շնորհանդեսի ժամանակ:

Ինչպես ավելի վաղ հայտնել է Tert.am-ը, iPhone 8 սմարթֆոնի՝ համացանց արտահոսած նոր լուսանկարներից դատելով՝ Apple ընկերության նորույթի վրա կբացակայի Home կոճակը և մատնահետքերի սքաները:

Ենթադրվում է, որ սմարթֆոնի հետևի մասում կլինի երկակի խցիկ, որը տեղադրված կլինի ոչ այնպես, ինչպես նախորդ սմարթֆոնի վրա: