«Մենք կգանք Հռոմ». ԻՊ-ը սպառնացել է Հռոմի պապին (լուսանկարներ)
ՄԻՋԱԶԳԱՅԻՆ«Իսլամական պետություն» ահաբեկչական խմբավորումը նոր քարոզչական տեսանյութ է հրապարակել, որում ահաբեկիչները ոտքերով հարվածում են Հիսուսի արձանին, պատռում Հռոմի պապի լուսանկարները և խոստանում հայտնվել Հռոմում, գրում է The Daily Mail-ը:
Ֆիլիպիններում նկարահանված տեսանյութում զինյալները խոսում են քրիստոնեության և իսլամի մասին: Ամերիկյան առոգանությամբ տեսանյութը ներկայացնող անձը գովաբանում է «Մուհամեդի ճշմարիտ զինվորներին», որոնք պայքարել են Արևելյան Ասիայում տարածքներ գրավելու համար: Այդ ընթացքում ԻՊ-ի անդամներն ավերում են եկեղեցին:
Նրանցից մեկը նայում է տեսախցիկին և անգլերեն ասում. «Հիշեք սա, գյավուրներ, մենք կլինենք Հռոմում, մենք կլինենք Հռոմում, ինշալլահ»:
Տեսանյութում զինյալները պոկում և ավերում են եկեղեցու զարդարանքները, Հիսուսի և Մարիամ աստվածածնի արձանները: Տեսանյութի վերջում եկեղեցին երևում է կրակի մեջ, գրում է կայքը: