Վրաստանում ուժեղացվել է ոստիկանության ծառայությունը` կապված Բրյուսելի ահաբեկչության հետ
ՄԻՋԱԶԳԱՅԻՆՎրաստանի պարեկային ոստիկանությունն ուժեղացնելու է ծառայությունը մարդաշատ վայրերում: Հղումով Վրաստանի ներքին գործերի նախարարության հայտարարությանը` այդ մասին հայտնում է apsny.ge-ն:
Ըստ այդմ` վրացական կողմի զգուշավորությունը կապված է Բրյուսելի ողբերգական ահաբեկչությունների հետ: Վրաստանում խստացվել են անվտանգության միջոցառումները սահմաններին, օդանավակայաններում, ինչպես նաեւ ռազմավարական նշանակության օբյեկտներում: Այս նպատակով Վրաստանի ներքին գործերի նախարարությունն ամբողջական պատրաստվածության է բերել ցամաքային սահմանապահ ոստիկանության անձնակազմը:
Ավելացնենք, որ ըստ ստացվող տեղեկությունների, Բելգիայի մայրաքաղաքի օդանավակայանում եւ մետրոյի կայարաններում թնդացած պայթյունների հետեւանքով զոհերի թիվը արդեն հասել է երեսունի:
Աղբյուրը - Հայկական ժամանակ