Մարսելում տղամարդը դանակով հարձակվել է անցորդների վրա, կա 3 տուժած

Ֆրանսիական Մարսելում տղամարդը դանակով հարձակվել է անցորդների վրա: Այս մասին հայտնում է TACC-ը:

Ըստ նախնական տեղեկությունների՝ տեղի ունեցած հարձակման հետևանքով տուժածների թիվը այս պահին 3-ն է:

Անցորդների վրա հարձակում գործած տղամարդը ձերբակալված է, նրան տեղափոխել են հոգեբուժական կլինիկա:

Հայտնի է, որ նա 35 տարեկան է և ծնունդով Փարիզից է: Նրա անունը չի հրապարակվում: Նշվում է, որ նա նախկինում աչքի է ընկել գողություններ կատարելուց:

Իշխանությունները տեղի ունեցածը առայժմ որպես ահաբեկչություն չեն որակում: