Ինչպես երեխային սովորեցնել չընդհատել մեծերին. հասարակ միջոց
ՖՈՏՈ
Թերեւս շատերին ծանոթ իրավիճակ է` զրուցում եք ընկերուհու հետ, կարեւոր բան քննարկում, իսկ ձեր երեխան ամեն վայրկյան քաշում է ձեր թեւից եւ ընդհատում խոսակցությունը:
Zabuka.com-ը ներկայացնում է պարզ ու հրաշալի տարբերակ` երեխաներին սովորեցնելու չընդհատել մեծերին: Ներկայացնում ենք մի կնոջ պատմություն:
Ընկերուհուս տանը թեյ էինք խմում, երբ նրա 3 տարեկան որդին վազելով եկավ եւ ցանկացավ ինչ-որ բան ասել: Փոխանակ ընդհատի մորը` երեխան ձեռքը դրեց մոր ձեռքին ու սկսեց սպասել: Մայրը նույնպես ձեռքը դրեց որդու ձեռքին եւ շարունակեց խոսել: Երբ նա ավարտեց միտքը, շրջվեց դեպի երեխան: Ես հիացած էի: Այդքան պարզ, այդքան քնքուշ:
Ես եկա տուն եւ բացատրեցի երեխաներիս, որ երբ մենք ինչ-որ մեկի հետ զրուցում ենք, ընդհատելու փոխարեն նրանք պետք է պարզապես գան ու ձեռքը դնեն մեր ձեռքի վրա: Որոշ ժամանակ անց երեխաներս սովորեցին այդպես վարվել: Եւ հիմա ձեր երեխաներին կոպտելու փոխարեն պարզապես սովորեցրեք ձեռքը դնել ձեռքին:
