Նիսում զոհերի թիվը հասել է 84-ի

Նիսում զոհերի թիվը հասել է 84-ի, եւս 18 մարդ գտնվում է ծայրահեղ ծանր վիճակում: Այսպիսի տվյալներ է ներկայացնում Ֆրանսիայի ՆԳ նախարարությունը:

Հայտնի են դարձել նաեւ որոշ մանրամասներ բեռնատարի վարորդի մասին, որը մխրճվել է մարդկանց բազմության մեջ: Նա Ֆրանսիայի քաղաքացի է, 31-ամյա թունիսցի, որը նախկինում եղել է ոստիկանության ուշադրության կենտրոնում՝ մանր խուլիգանության համար:

Հիշեցնենք, որ հուլիսի 14-ի երեկոյան Նիսի կենտրոնում մարդկանց ամբոխի վրա մեծ արագությամբ բեռնատար էր հարձակվել: Դրանից հետո վարորդը սկսել էր կրակել մարդկանց վրա: Ի վերջո նա սպանվել է ոստիկանության կողմից: Բեռնատարում մեծ քանակությամբ զենք եւ պայթուցիկներ են հայտնաբերվել: