Ճապոնիան կներկայացնի աշխարհում ամենաարագընթաց մեքենան (լուսանկար)

Ճապոնական Aspark ընկերությունը, որի մասին նախկինում որևէ տեղեկություն չկար, մտադիր է մոտ ժամանակներս ներկայացնել աշխարհում ամենաարագընթաց մեքենան: 

Ինչպես նշում է motor.ru-ն, փոխադրամիջոցը, արտադրողի պնդմամբ, կկարողանա 100կմ/ժ արագություն զարգացնել ավելի քիչ, քան 2 վայրկյանում:

Owl կոչվող նորույթի մասին դեռևս քիչ տեղեկություն է հայտնի: Նշվում է, որ դա կլինի ածխածնային հիմքով հիպերքար, որը մշակվում է 2014թ. ի վեր:

Ներկայում աշխարհի ամենաարագընթաց մեքենաներից են Dodge Challenger SRT Demon-ը (0-100կմ/ժ արագություն է զարգացնում 2.3 վայրկյանում), Nio EP9-ը (2.7 վայրկյան), Lucid Air-ը (2.5 վայրկյան):

Նշվում է, որ Aspark-ի ստեղծած հիպերքարի շնորհանդեսը կայանալու է սեպտեմբերի 12-ին՝ Ֆրանկֆուրտի միջազգային ավտոսրահում: