Բելգիայի ոստիկանությունը որոնում է նկարում պատկերված անձին
ՄԻՋԱԶԳԱՅԻՆ
Բելգիայի ոստիկանությունը հրապարակել է Բրյուսելի օդանավակայանում պայթյունների իրականացման մեջ կասկածվող անձի լուսանկարը: Հայտարարված է հետախուզում:
Հիշեցնենք, որ այսօր առավոտյան երկու պայթյուններ են թնադեցել Բրյուսելի օդանավակայանում, այնուհետեւ` եւս երկու պայթյուն մետրոյի կայաններում: Ընդհանուր առմամբ, համաձայն վերջին տեղեկությունների, Բրյուսելում տեղի ունեցած ահաբեկչական հարձակումների հետեւանքով զոհերի թիվն անցել է 30-ից: Միայն մետրոյում իրականացված պայթյունների պատճառով զոհվել է քսան մարդ:
Բելգիայում հայտարարվել է ահաբեկչական վտանգի առավելագույն աստիճանը, խստացվել է ռազմավարական օբյեկտների հսկողությունը, ոստիկանությունը ոչնչացնում է բոլոր կասկածելի փաթեթները եւ պայուսակները հասարակական վայրերում, հասարակական տրանսպորտը մեծ մասամբ չի աշխատում: Քաղաքացիներին խորհուրդ է տրվում մնալ տանը:
Ահաբեկչությունների պատասխանատվությունը ստանձնել է «Իսլամական պետություն» խմբավորումը: Միջազգային հանրությունը, այդ թվում` Հայաստանը, դատապարտել են այս արնահեղությունը:
