Եվրոպայում ևս 3 մահապարտ կա. հնարավոր են նոր ահաբեկչություններ
ԱՄԵՆԱԸՆԹԵՐՑՎԱԾԵվրոպայում են գտնվում երեք մահապարտներ, ովքեր կարող են նոր ահաբեկչություններ իրականացնել: Այս մասին հայտնում է Associated Press-ը, հղումով Իրաքի հետախուզությունում ունեցած աղբյուրներին:
Նշվում է, որ այսօր Բելգիայի մայրաքաղաք Բրյուսելում իրականացված ահաբեկչական հարձակումները ծրագրվել էին երկու ամիս առաջ Իրաքի Ռաքա քաղաքում, որը գտնվում է «Իսլամական պետություն» ահաբեկչական խմբավորման վերահսկողության տակ: Ըստ նույն աղբյուրների` Եվրոպայում հիմա երեք մահապարտներ կան, ովքեր կարող են նոր հարձակումներ իրականացնել: Բացի սա` Associated Press-ի աղբյուրներից մեկը նշել է, որ իրենք տեղեկացրել էին եվրոպական կողմին հնարավոր վտանգի մասին, սակայն կոնկրետ Բրյուսելի մասով հստակ տեղեկատվություն չէր եղել:
Ավելացնենք, որ Բրյուսելում իրականացված ահաբեկչությունների պատասխանատվությունը ստանձնել է «Իսլամական պետություն» ահաբեկչական խմբավորումը:
Աղբյուրը - Հայկական ժամանակ