Հայկական շոու բիզնեսը՝ «Տաշի շոու»-ի հոբելյանական համերգին

Երեկ Մոսկվայում կայացավ «Տաշի շոու»-ի հոբելյանական՝ հինգերորդ համերգը: Միջոցառմանը ներկա էին Թաթա Սիմոնյանը, Սիլվա Հակոբյանը, Մարտին Մկրտչյանը, Արամեն, Միհրան Ծառուկյանը, Արմենչիկը, Սուպեր Սաքոն, Սպիտակցի Հայկոն, Մարգարիտա Պոզոյանը, Սոֆի Մխեյանը, Մարտ Բաբայանը, Լիլիթ Կարապետյանը, Սևակ Խանաղյանը, Նարեկ Բավեյանը, Գաբի Գալոյանը, Արմեն Պետրոսյանը, Մարջան Ավետիսյանը, Գրիգոր Դանիելյանը, Արփինե Գաբրիելյանը, Գրիգոր Եսայանը, Արա Մարտիրոսյանը, Հռիփսիմե Հակոբյանը, Ռաֆայել Երանոսյանը, Անդրանիկ Հարությունյանը և այլք: Համերգին մասնակցել են նաև Սոսո Պավլիաշվիլին, Բոսսոնը, ինչպես նաև հատուկ հյուր է եղել Black Star-ի անդամ Քրիստինա Սին:

Միջոցառումը վարել է «Ֆուլ հաուս»-ի դերասանական կազմը, Միհրան Ծառուկյանը և Գոռը հանդես են եկել նաև երաժշտական կատարումներով: Հումորային մասն ապահովել են նաև Աշոտ Ղազարյանը, Մկրտիչ Արզումանյանը, Ռաֆայել Երանոսյանը և Անդրանիկ Հարությունյանը. վերջիններս կատարել են իրենց հայտնի՝ «Դեպուտատի շոու» երգը: Հատուկ հյուրերի շարքում է եղել Միհրան Հարությունյանը՝ կնոջ հետ:

Համերգային ծրագրի ժամանակ առանձնակի որգևորությամբ է ընդունվել Սուպեր Սաքոյի և Սպիտակցի Հայկոյի «Մի գնա» արդեն հիթային դարձած երգը: Նշենք, որ միջոցառումը կցուցադրվի հունվարի 1-ին՝ «Արմենիա» հեռուստաընկերության եթերում: