Տարոն Մարգարյանը շնորհավորել է Սոցիալական աշխատողի օրվա առթիվ

Տարոն Մարգարյանը ֆեյսբուքյան իր էջում գրում է.

Սոցիալական ապահովության բնագավառի հարգելի՛ աշխատողներ,
շնորհավորում եմ ձեզ մասնագիտական տոնի՝ Սոցիալական աշխատողի օրվա առթիվ։

Կասկածից վեր է, որ մեր հասարակության առավել զգայուն և ուշադրության կարիք ունեցող քաղաքացիների կողքին մշտապես լինելու ձեզ վերապահված առաքելությունը բավականին բարդ է և պատասխանատու:

Ձեր ոչ դյուրին աշխատանքում հաճախ հաղթահարում եք բազմաթիվ դժվարություններ, որ կարողանաք լիարժեք օգտակար լինել բոլոր այն մարդկանց, ում իսկապես կարևոր և անհրաժեշտ է մասնագիտական ձեր աջակցությունը:

Մաղթում եմ քաջառողջություն, բարեկեցություն և մասնագիտական հաջողություններ ձեր պատվաբեր առաքելությունը իրականացնելու ճանապարհին։