Պորոշենկոն ուկրաինական БТР է փորձարկել. այն վարելն ավելի հեշտ է, քան «Վոլգան»
ՄԻՋԱԶԳԱՅԻՆ
Ուկրաինայի նախագահ Պյոտոր Պորոշենկոն անձամբ է փորձարկել ուկրաինական արտադրության նոր զրահամեքենան` «Բուցեֆալը»:
Զրահամեքենայից ստացված տպավորություններով Պյոտոր Պորոշենկոն կիսվել է Ֆեյսբուքում` կից ներկայացնելով նաեւ տեսանյութ:
Հետաքրքիր է, որ Պորոշենկոյի թիկնապահները, ինչպես նշել է Ուկրաինայի նախագահը, չեն թողել, որպեսզի ինքը վարի զրահամեքենան: Պորոշենկոն ստիպված է եղել մի քիչ հեռանալ` սպայի ուղեկցությամբ, եւ նոր միայն ստանձնել «Բուցեֆալի» կառավարումը:
«Անձամբ եմ փորձարկել Մորոզովի անվան Խարկովյան մեքենաշինական գործարանի մասնագետների կողմից ստեղծված БТР-4-ը: Հիմա այս հիանալի զրահամեքենաները շատ են սպասում բանակում: Ամենայն հավանականությամբ նրանք կուղվեն 92-րդ բրիգադ` առաջնագիծ»,- ասել է Պորոշենկոն` նաեւ ավելացնելով, որ ուկրաինական զրահամեքենան վարելն ավելի հեշտ է, քան «Վոլգան»:
