Ինչպես են ամանորյա արձակուրդները համախմբում ընտանիքը
ՎԻԴԵՈՄանրամասն՝Lraber.info
Ամանորյա արձակուրդները հիանալի կերպով համախմբում են ընտանիքի անդամներին: այս շրջանում մարդիկ ազատ ժամանակ են ունենում եւ այն անց են կացնում ընտանիքի հետ: Ընտանիքին համախմբում է միասին տոնածառը, տունը զարդարելը, Ամանորին պատրաստվելը:
Ամանորին աշխատեք շատ ժամանակ անցկացնել ընտանիքի անդամների հետ, քանի որ զբաղվածության պատճառով տարվա ընթացքում գուցե նման հնարավորություն էլ չունենաք: Մեծ ընտանիքով հավաքվեք ամանորյա սեղանի շուրջ, իրար անպայման փոքրիկ նվերներ մատուցեք:
Վերցրեք թուղթ ու գրիչ եւ ողջ տարվա համար ձեր ակնկալիքները գրի առեք: Ապա հերթով կարդացեք ու քննարկեք միասին, դա նույնպես ավելի կամրապնդի ձեր ընտանիքը: աշխատեք ոչ մի պարագայում չվիճել, հատկապես` Ամանորին, քանի որ եթե այս ընթացքում վիճեցիք, ողջ տարին վեճերի մեջ եք անցկացնելու: Ամանորին ժամանակ տրամադրեք երեխաներին, խաղացեք նրանց հետ, միասին բացեք նվերները, երեխաների համար հեքիաթներ կարդացեք` ամանորյա թեմաներով:
Շատ հետաքրքիր կլինի, եթե ընտանեկան թատրոն բեմադրեք, որեւէ ներկայացում խաղաք ձեր երեխաների համար, հավատացեք, դա նրանց անչափ դուր կգա:
Ու ընդհանրապես, աշխատեք յուրաքանչյուր ազատ վայրկյանն ընտանիքի հետ անցկացնել, ավելի մեծ հարստություն դուք հաստատ չեք գտնի:
