Դուք երևի տենց էլ ավագանի չդառնաք․ Միքայել Դովլաթյանը՝ Զարուհի Փոստանջյանին

«Այստեղ ես չարի ուժ եմ տեսնում, շատ վտանգավոր սադրանք կա»,- անդրադառնալով Երևանի ավագանու «Երկիր ծիրանի» խմբակցության՝ Վազգեն Սարգսյանի անվան փողոցը անվանափոխելու առաջարկին՝ հայտարարեց Միքայել Դովլաթյանը:

Դիմելով Զարուհի Փոստանջյանին՝ նա ասաց. «Հիպոթետիկ կերպով պատկերացնենք, թե ձեր նախաձեռնությունն անցնում է. ինչի՞ն եք դուք ուզում հասնել՝ որ սպարապետի հազարավոր զինակիցներ վրդովվե՞ն, դուրս գա՞ն փողոց: Սա ուղերձ է ո՞ւմ համար՝ այն երիտասարդների՞, որոնք ապրիլյան պատերազմի ժամանակ Վազգեն Սարգսյան պատկերացնելով՝ իրենց կյանքը տվեցին: Չի՛ լինելու, երբե՛ք չի լինելու»:

Կրկին դիմելով Զարուհի Փոստանջյանին՝ նա ասաց. «Դուք տենց էլ երևի ավագանի չդառնաք: Խորհրդարանի բանը ձեզ շատ է տանջում: Սա խորհրդարան չէ, ավագանու ինստիտուտը լրիվ ուրիշ է: Ձեզ ընտրել են, որ դուք զբաղվեք Երևանի զարգացման ստրատեգիայով»:

Նյութի աղբյուր՝ 1in.am