Դպրոցականները գազանաբար սպանել են 17-ամյա տաջիկին

Սանկտ Պետերբուրգում 15-18 տարեկան չորս դպրոցականներ են ձերբակալվել՝ Տաջիկստանի 17-ամյա քաղաքացու գազանաբար սպանելու կասկածանքով: Տաջիկ պատանին մահացել է դանակի բազմաթիվ հարվածների հետեւանքով:

«Ֆոնտանկա»-ի փոխանցմամբ՝ արնաքամ տղային հայտնաբերել են օգոստոսի 2-ի լույս 3-ի գիշերը, շուրջօրյա աշխատող խանութից ոչ հեռու: Պատանուն հիվանդանոց են տեղափոխել, բայց նրա կյանքը փրկել չի հաջողվել:

Ըստ NEWSru.co-ի՝ օպերատիվ-հետախուզական միջոցառումների արդյունքում 4 կասկածյալ է ձերբակալվել, որոնցից դանակներ, մահակներ եւ դաշույն են առգրավել:

Սպանության փաստով քրեական գործ է հարուցվել: