Հուշարձանների և տեսարժան վայրերի միջազգային օրվա շրջանակում ցուցահանդես Էրեբունի թանգարանում

Մարիա Բարաղամյանը ֆեյսբուքյան իր էջում գրում է.

ՅՈՒՆԵՍԿՕ-ն 1983 թվականից ապրիլի 18-ը նշում է որպես հուշարձանների և տեսարժան վայրերի միջազգային օր: Տարբեր երկրներում այդ օրն իրականացվող միջոցառումների նպատակը ևս մեկ անգամ հասարակությանը համաշխարհային ժառանգության բազմազանության, դրա պահպանության ու պաշտպանության մասին հիշեցնելն է:

Ապրիլի 18-ի՝ Հուշարձանների և տեսարժան վայրերի միջազգային օրվա շրջանակում, Երևանի քաղաքապետարանի ենթակայությամբ գործող «Էրեբունի» պատմահնագիտական արգելոց-թանգարանում կներկայացվի նոր ցուցահանդես, որի խորագիրն է «Հնագիտական ժառանգությունը սերունդների համար. ճանաչել, արժևորել, պահպանել»: 

Հ.Գ. Ցուցահանդեսը կանցկացվի ապրիլի 18-ից-հունիսի 18ը: