«Փշաքաղվում եմ Ձեր արհամարհանքից, դավադիր լռությունից» Տեսեք թե ով է այդպես արտահայտվել Շուշան Պետրոսյանի մասին

Հայտնի բանաստեղծ Հովհաննես Ղազարյանը իր ֆեյսբուքյան էջում գրառում է կատարել.

ԲԱՑ ՆԱՄԱԿ ՇՈՒՇԱՆ ՊԵՏՐՈՍՅԱՆԻՆ Հարգելիʹ Շուշան,

Ժամանակին լսում էի Ձեր «ԻՄ ԱՆՈՒՇ ՀԱՅՐԵՆԻՔ» երգը և տառացիորեն փշաքաղվում էի

Հիմա փշաքաղվում եմ նույն անուշ հայրենիքի և աննման հայ ժողովրդի աննախադեպ զարթոնքի հանդեպ ցուցաբերած Ձեր ցցուն արհամարհանքից և ոչ մի արդարացում չունեցող, դավադիր լռությունից և անտարբերությունից:

Ուրեմն՝ սթափվեք, փոքր-ինչ ինքնասիրություն ունեցեք և հորդորեք Ձեր գործընկերուհիներին և գործընկերներին նույնպես, որ օր առաջ վերագտնեն իրենց արժանապատվությունը և չպղտորեն համայն հայության մայիսմեկյան փրկարար արշալույսը: Համոզված եղեք, որ դավաճանի խարանն առավել ծանրն է բոլոր մեղքերից:

Դուրս եկեք խավարից և ընթացեք դեպի Լույսը, քավեք տարիների Ձեր ամեհի մեղքերը և գոնե այս պահին մեր Սրբազան Հայրենիքը միʹ ստորադասեք ձեր ստորագույն շահերին:

Հավատում եմ, որ կխիզախեք և Ձեր գործընկերները կլսեն Ձեր հորդորը, չէ՞ որ Դուք անհայտ ինչ-որ մեկը չեք:

Մանրամասներն՝  այստեղ