Թուրքիայի հարավ-արեւելքում քուրդ մարտիկները զինվորական ավտոմեքենա են պայթեցրել. կա 5 զոհ

Թուրքիայի հարավարեւելյան Շիրնաք նահանգի Ուլուդերե ավանում զինվորական մեքենա է պայթեցվել: Պայթյունը տեղի է ունեցել ճանապարհին տեղադրված ականի գործարկման հետեւանքով: Ավտոմեքենայի պայթյունից 5 զինվորական մահացել է, եւս 8-ը՝ տարբեր աստիճանի վնասվածքներ են ստացել:

Ենթադրվում է, որ զինվորական ավտոմեքենան պայթեցրել են Քրդստանի աշխատավորական կուսակցության մարտիկները: Հարձակումից հետո Թուրքիայի զինված ուժերը լայնածավալ ռազմական օպերացիա են իրականացրել հարավարեւելյան քրդաբնակ շրջաններում:

Որոշ տվյալների համաձայն, վերջին մոտ 1 տարվա ընթացքում քուրդ մարտիկները մոտ 600 թուրք զինվորական ու ոստիկան են ոչնչացրել: