Թրամփը սպառնացել է ԵՄ-ից ներկրվող մեքենաների համար մաքսատուրքեր սահմանել

ԱՄՆ նախագահ Դոնալդ Թրամփը սպառնացել է Եվրամիության երկրներից ներկրվող մեքենաների համար 20 տոկոսանոց մաքսատուրքեր սահմանել: Այս մասին նա գրել է իր Twitter-ում:

Թվիթում ԱՄՆ նախագահը կրկին դժգոհել է եվրոպական ընկերությունների կողմից ամերիկյան ապրանքների համար սահմանված սակագներից:

«Եթե այդ սակագները եւ խոչընդոտները չվերացվեն, մենք 20 տոկոսանոց մաքսատուրքեր կսահմանենք ԱՄՆ ներկրվող բոլոր մեքենաների համար: Կառուցեք դրանք այստեղ», - ընդգծել է Թրամփը, հաղորդում է «Գազետա»-ն: