Վրաստանի կառավարության ղեկավարը ներկայացրել Է նորացված նախարարների կաբինետը
ՄԻՋԱԶԳԱՅԻՆՎրաստանի վարչապետ Մամուկա Բախտաձեն հուլիսի 12-ին ներկայացրել Է երկրի նախարարների կաբնետի նորացված կազմը: Ինչպես տեղեկացնում Է «Արմենպրես»-ը, Թբիլիսիում կայացած ճեպազրույցում նա հայտարարել Է, որ կառավարությունում կլինեն երեք նոր ղկավարներ:
Կրթության, գիտության, մշակույթի եւ սպորտի նախարարի դերում ներկայացվել Է Միխայիլ Բատիաշվիլին, Էկոնոմիկայի եւ կայուն զարգացման նախարարության ղեկավարի դերում՝ Գեորգի Կոբուլիան, ֆինանսների նախարարի՝ Իվանե Մաճավարիանին: Վրաստանի նախարարների կաբինետի նորացված կազմին վստահության քվե տալու համար երկրի խորհրդարանն արտահերթ նստաշրջանի կհավաքվի հուլիսի 14-ին, հաղորդել Է ՏԱՍՍ-ը:
