Ցավալի լուր. Մահացել է սիրված և ճանաչված հնդիկ դերասանը
ՖՈՏՈ
Օգոստոսի 14-ին մահացել է հնդկական կինեմատոգրաֆիայի հայտնի ներկայացուցիչ, դերասան, ռեժիսոր Շամմի Կապուրը' դերասան Ռաջ Կապուրի եղբայրը: Ինչպես տեղեկացնում է «Վեստի.ռու» գործակալությունը, 79-ամյա դերասանը մահացել է Մումբայի հիվանդանոցներից մեկում:
Շամմի Կապուրը հնդկական կինեմատոգրաֆիայի հիմնադիր, ռեժիսոր, դերասան Պրիտհվիրադժա Կապուրի որդին է: Նա համարվում է Բոլիվուդի 1950-1960-ական թվականների հայտնի դերասաններից մեկը:
Շամմի Կապուրի մասնակցությամբ հայտնի են «Սիրո ուժը», «Ամենակարողը» ֆիլմերը: Հանգուցյալի ռեժիսորական գործերից են «Հատուցման ժամը», «Հաճույքներ փնտրելով» ֆիլմերը: Նա երեք անգամ տարբեր ֆիլմերից ստացել է «The Filmfare Award» մրցանակ' տղամարդու լավագույն դերի համար:
