Կատալոնիայում առանց վարորդի երթևեկող ավտոբուս են գործարկել

Կատալոնական իշխանությունները նոր ավտոբուս են շահագործման հանձնել, որն ուղևորիներին փոխադրում է առանց վարորդի:

Ինչպես հայտնում է Euromag-ը, ինքնագնաց ավտոբուսի փորձարկումները կանցկացվեն մի քանի քաղաքում, որոնցից առաջինը Սան Կուգատ դել Վալյեսն է:

Հաղորդվում է, որ այս ամիս ավելի ուշ, ինչպես նաև հոկտեմբերին ավտոբուսը փորձարկման շրջանակներում կանցնի Տարասա, Սաբադել, Ժիրոնա, Ռեուս, Էլ-Վենդրել, Մարտորել և Վիկ քաղաքներով:

Ավտոբուսը, որ ստացել է Èrica անվանումը, նախատեսված է 12 մարդ տեղափոխելու համար և աշխատում է էլեկտրաէներգիայով:

Այն հարմարեցված է նաև սահմանափակ ֆիզիկական հնարավորություններ ունեցող անձանց համար: